Yanvarın 23-də “Xınalıq” Turizmin İnkişafına Dəstək İctimai Birliyi ötən il iyulun 23-dən sentyabrın 18-nə kimi həyata keçirdiyi Xınalıq kəndi ətrafında yay otlaqlarının monitorinqinin nəticələrini açıqlaylb. Layihənin məqsədi Xınalıq kəndinin ətrafında yerləşən Dövlət Torpaq Fondunda olan yay otlaqlarının dayanıqlı inkişafına nail olmaqdır ki, bu da “Hökümət-Vətəndaş Cəmiyyəti-biznes” arasında dialoqun qurulmasını qaçılmaz edir. Qeyd edək ki, layihə ATƏT-in Bakı ofisinin “Təhlükəsizlik və Ətraf Mühit üzrə Vətəndaş Fəaliyyəri” proqramı tərəfindən maliyyələşdirilib.

“Ekoloji İnnovasiya Mərkəzi”nin rəhbəri, ekologiya üzrə texniki elmlər doktoru, professor Abdulla Abdullazadə Amerika Bioqrafiya İnstitutunun (American Biographical Institute) “Azərbaycanda ekologiya elmləri sahəsində 2011-ci ilin adamı” adına layiq görülüb. Əsasən suyun keyfiyyətinə dair elmi əsər, məqalə, monoqrafiya və ixtiraları ilə tanınan A.Abdullazadə 2 il əvvəl də (2009-cu il) ABİ-nin diplomu ilə təltif edilmişdir.

Bu gün “Təhlükəsiz Yol” Alyansı “Azərbaycanda yol təhlükəsizliyi sahəsindəki problemlərin həllində vətəndaş cəmiyyətinin rolu” mövzusunda dəyirmi masa keçirib. APA-nın məlumatına görə, alyansın həmtəsisçisi Şahin Camalov deyib ki, 12 qeyri-hökumət təşkilatından ibarət “Təhlükəsiz Yol” Alyansının yaradılmasında məqsəd ölkədə sürətlə artan yol qəzalarının, çoxsaylı vətəndaşların yol qəzası qurbanına çevrilməsinin qarşısının alınması istiqamətində layihələr icra etmək, ciddi problemin həlli istiqamətində əsaslı işlər görməkdir.

“Bağçaların Təhsil Nazirliyinin tabeliyindən çıxarılıb icra hakimiyyəti orqanlarına verilməsi doğru qərar deyil”. Uşaq Hüquqlarını Müdafiə Liqasının rəhbəri Yusif Bəkirov “Media forum” saytına belə deyib.

Prezident İlham Əliyev dekabrın 27-də imzaladığı sərəncamla Təhsil Nazirliyinin tabeliyində olan körpələr evləri, körpələr evi-uşaq bağçaları, uşaq bağçaları, xüsusi uşaq bağçaları və uşaq evlərini yerli icra hakimiyyəti orqanlarının (Bakı şəhəri üzrə Bakı Şəhər İcra Hakimiyyətinin, Gəncə şəhəri üzrə Gəncə Şəhər İcra Hakimiyyətinin) tabeliyinə verib.

Böyük Britaniyada McDonald's şirkəti Happy-Mil yeməklərini alanlara 9 milyondan çox uşaq kitabı paylamağı planlaşdırır. Məlumatı The Guardian yayıb.

McDonald's şirkəti britaniyalı müəllif Maykl Morpurqonun kitabları ilə yanaşı romanlarda təsvir edilən hadisələri “canlandırmaq” üçün barmaqlara taxılan oyuncaqları da uşaq yeməklərinə daxil etmək istəyir. Aksiya Morpurqonun eyni adlı romanı əsasında çəkilmiş “Döyüş atı” filminin ekranlara çıxması münasibətilə keçirilir. McDonald's aksiyanın məqsədi kimi uşaqlar arasında bilik səviyyəsinin artırılması və yaradıcılığa həvəsin aşılanmasını göstərir.